आता रुपया पडला म्हणतात

आता रुपया पडला म्हणतात

म्हणून भाव वाढला म्हणतात

 

तुम्ही तुमचे पगार

वाढवून घेतलेत

स्वतःकडून.

आणि निवृत्तीवेतनातही

वाढ केलीत एकमताने.

पण बहुमताने ज्यांनी

तुम्हाला निवडून दिले

त्यांचे काय ?

 

त्यांना फक्त लाथा...

आणखी काय !

 

आम्हाला खरं तर निवृत्तीच नाही

मग वेतन कुठून मिळणार.

आम्ही रिटायर झालो तरी

स्वतःच्या सेवेत रुजू होणार.

 

तुमच्या तिजोरीत

खडखडाट आहे म्हणता

मग स्वतःचे वेतन भत्ते

काय कर्जे काढून घेता.

 

असं करा

एकदाचा गहाणच ठेवून द्या सारा देश

म्हणजे निदान तुम्ही बुडीत निघाल्यावरतरी

आम्हाला नव्या मालकांकडून

काही अपेक्षा ठेवता येतील.

 

आमचा संपूर्ण विश्वास आहे तुमच्यावर

एक ना एक दिवसतरी

तुम्ही हे नक्की कराल म्हणून

 

जय हिंद !!

 

      - गजानन मुळे

        २३.०८.२०१३