अस्वस्थाची डायरी .....: चित्रकविता

चित्रकविता

मित्रहो....

रंगांनी शब्दांना अधिकच आर्त केलं तर कशी वाटेल कविता ..!!

मी माझ्या परीने प्रयत्न केलाय.

अगदी सुरुवातच आहे ही ...त्या प्रयत्नांची .....

तुम्हाला नक्की आवडेल.....

( अशी आशा करतो )

माझ्या या कविता पाहण्यासाठी खालील " चित्रकविता " या शब्दावर क्लिक करा ....

चित्रकविता

तुमच्या प्रतिक्रियेच्या प्रतीक्षेत ..... - गजानन मुळे

कोणत्याही टिप्पण्‍या नाहीत:

टिप्पणी पोस्ट करा

काय वाटतं ... तुम्हाला ?.....!

कविता

अंतर सोलून काढावे कुणी
.....तशा या कविता .
उललेल्या अक्षरांनी
साकारतात कागदावर जाणीवेच्या .

पुन्हा पुन्हा हे उलनं ... सलनं
असतं सुरूच ...
माझ्या जगण्यातून न जगण्यापर्यंत ...
सतत पानांच्या सळसळीसारखी ही ..
खुणावत जाते कविता .

कविता ....
वाऱ्यावर ... पिसाऱ्यावर
जीव सोडून दिल्यासारखी .
लहानपणी रागाने
डाव मोडून गेल्यासारखी .
स्वतःवरच केलेल्या
असंख्य वारांच्या रुपात
शब्द शब्द होऊन ...
दाटत जाते कविता.

भर गर्दीत
सैरभैर झालेल्या
स्वतःला शोधताना ...
फाटत जाते कविता.

आता यापुढे
काहीच घडू शकणार नाही ,
मी मनसोक्त बडबडू शकणार नाही,
नि डोळे आटेपर्यंत रडूही शकणार नाही .....
माझ्या ' मी पणा'चा अर्थहीन पक्षी ...
या जाणिवांतून उडूही शकणार नाही ...
ही खंत
उरातून सल होऊन भिनताना
कोऱ्या कोऱ्या कागदावर ....
नुस्तीच आटत रहाते कविता ....

अंतर सोलून काढावे कुणी ....
.. तशा या कविता ..!!

- गजानन मुळे
( "...कधीचा इथे मी." मधून )

पृष्ठे

चित्रकविता

कोणत्याही टिप्पण्‍या नाहीत:

टिप्पणी पोस्ट करा