रविवार, ८ मे, २०१६

मी म्हणालो

मी म्हणालो

“ तुला वाचा असून
तू इतका मुका का ?”

तो म्हणाला

“ मी माझ्या शब्दांचं सोनं होण्याची...
लोकांच्या ओठातलं गाणं होण्याची...
माझ्या बोलाची ‘विधानं’ होण्याची...
अमक्याचे ‘उद्गार’ म्हणून ते एखाद्या
वृत्तपत्रात छापून येण्याची...
माझ्या बोलण्याला केवळ बोलणे न होता
त्यांची ‘वक्तव्य’ म्हणून गणना होण्याची...
मी वाट बघतोय.”

“मग जग त्याचं विश्लेषण करेल
मग खरंतर काहीतरी उरेल”

“माझ्या शब्दांच्या धगीनेही कधी
कुणाचे पेटून उठेल रक्त
बस्स ...
त्या क्षणाची मी

वाट पाहतोय फक्त.”

कोणत्याही टिप्पण्‍या नाहीत:

टिप्पणी पोस्ट करा

काय वाटतं ... तुम्हाला ?.....!