मंगळवार, २८ फेब्रुवारी, २०१२

डोळ्यांमध्ये थेंब दवाचा

डोळ्यांमध्ये थेंब दवाचा नको साठवू सखी
त्या थेंबातच वसते दुःखी अश्रूंची पालखी

हसणे असले क्षणाक्षणांवर ; बेहोशीचा काळ
डोळ्यांमध्येच दडून बसते गळणारे आभाळ

आभाळातून येईल साजन, तुझ्या कुशीला ओल
अन् ओठांवर ठेवून जाईल हळवा कातर बोल

बोलायाचे असते तेंव्हा घर मौनानेच भरते
डोळ्यांमधले जुने पुराने आभाळच झरझरते

आभाळातील दवबिंदूंचा नको घेऊ अदमास
रात्री अपरात्रीला तुजला छळेल त्याचा भास

-    गजानन मुळे
-    २७.०२.२०१२.  

कोणत्याही टिप्पण्‍या नाहीत:

टिप्पणी पोस्ट करा

काय वाटतं ... तुम्हाला ?.....!