खळ्ळ खट्याक
फोडा काचा
करा गर्जना
फुलवा वाचा
टायर जाळा
हरताळ पाळा
तोडा खुर्च्या
काढा मोर्चा
रेलरोको
रस्तारोको
इसको टोको
उसको टोको
लोकशाही
सारा बाही
कोणी नाही
कोणी नाही
निशाण उचला
इकडे चला
तिकडे चला
‘जय’ बोला
आम्ही शहाणे
ऐकू गाऱ्हाणे
दावू चने
खाऊ फुटाणे
कागद कलम
जालीम मलम ..!
माहिती मागवा
देश जागवा..!!
‘ गांधींचा देश ’
कोण म्हणाला ...?
खळ्ळ खट्याक
खळ्ळ खट्याक
अंतर सोलून काढावे कुणी तशा या कविता उललेल्या अक्षरांनी साकारतात कागदावर...जाणीवेच्या, माझं हे उलनं सलनं असतं सुरूच ..माझ्या जगण्यातून न जगण्यापर्यंत ...
कोणत्याही टिप्पण्‍या नाहीत:
टिप्पणी पोस्ट करा
काय वाटतं ... तुम्हाला ?.....!