तुझ्या सावलीला उन्हाचे किनारे
तुझ्या पावलांना दिशांचे पहारे
माझ्या उशाला हात स्वतःचे
तुझ्या उशाला स्वप्न उद्याचे
आभाळ दाटे अवचित कधीही
कुणाची तमा कुणालाच नाही
कशा सांजवेळी उठतात ज्वाला
अन् पायाशी उडे..पडे झाडपाला
निखाऱ्यात ठिणगी निपचित निजली
हळूहळू तीही नकळताच विझली
आता आठवांचे कढ फक्त उरी
रित्या रिकाम्या या माझ्याच दारी
कोणत्याही टिप्पण्या नाहीत:
टिप्पणी पोस्ट करा
काय वाटतं ... तुम्हाला ?.....!