मंगळवार, १६ ऑक्टोबर, २०१२

ऋण

सांगून कधी का फिटते 
शब्दांचे ऋण आभाळी 
परतून पाखरे येती 
सांजेच्या मलूल वेळी

मी टाळत गेलो रस्ते 
ते उजाडणारे अंतर 
कुठेच पोचलो नाही 
हे कळून आले नंतर 

हातात निखारे फुलले 
हे ठेचाळताना पाय 
फुंकून पिताना ताक
ओठांवर आली साय

सुनसान रात्रीच्या वेळी 
मी मिटले जेव्हा डोळे 
अनुसयेच्या मांडीवरची 
तेंव्हा हसली होती बाळे

कोणत्याही टिप्पण्‍या नाहीत:

टिप्पणी पोस्ट करा

काय वाटतं ... तुम्हाला ?.....!