या उमलत्या कळ्यांची फुले व्हावी .....
या उमलत्या कळ्यांची फुले व्हावी
पाकळ्यांना आभाळाची कळा यावी
कोणता ऋतू तसा येतो घराला
कोण का खुडते कधी पाखराला
पापणीतल्या पाण्याला नाव नाही
चोर हा तर चोर असतो साव नाही
तू तशी आभाळवेडी पांगताना
कोवळे हे स्वप्न माझे रंगताना
ही अशी हातात आली दोन बोटे
नकळता बोचले कित्येक काटे
तरी ना सुटलेच वेडे वेड तुझे
रक्तातुनी रक्ताची हाक गाजे
का बरे खुडतात लोक या कळ्यांना
वेद्नेचाच घाव का या पाकळ्यांना
तू तशी 'मुलगी' याची खंत नाही
तुझ्यातून भेटते मला रोज आई
पावले जर चालली तर दूर जावी
अन् चालण्याचीही कधी नशा यावी
या उमलत्या कळ्यांची फुले व्हावी
पाकळ्यांना आभाळाची कळा यावी
- गजानन मुळे
कोणत्याही टिप्पण्‍या नाहीत:
टिप्पणी पोस्ट करा
काय वाटतं ... तुम्हाला ?.....!