नास्तिक

तो देवळात जाऊन कधी घेत नसेल दर्शन देवाचं

पण माणसांच्या गर्दीत हरवलेला देव शोधत असतो रोज.

तो सुर्याला फक्त सूर्य मानतो, चंद्राला फक्त चंद्र,

पण सूर्याच्या अखंड उर्जेबद्दल त्याला प्रचंड कुतूहल आहे.

तो शेंदूर थापल्या दगडांसमोर लीन होत नसेल कधी

पण नतमस्तक असतो सदैव लोकोत्तरांसमोर.

कामासाठी तो कधी मुहूर्त – बिहर्त बघत नसला तरी

प्रत्येक काम वेळेवर करण्यासाठी दक्ष असतो नेहमी.

दैवावर त्याचा नसला जरी भरवसा तरी

प्रत्येक गोष्टीला एक वेळ असते हे माहित आहे त्याला.

‘ इह्लोकापार एक स्वर्ग आहे ’ हे मान्य नाही त्याला

पण ‘ पेरेल ते उगवेल ’ ही म्हण तो मान्य करतो.

‘ या जगात देव आहे ’ म्हणणं त्याला निराधार वाटत असलं तरी

निराधारांना आधार द्यायला तो कचरत नाही कधीच.

लोक म्हणतात तो ‘ नास्तिक ’ आहे.

पण मला तर वाटतं तो ‘ आस्तिक ’ आहे.

कारण ..........

तो देवळात जाऊन कधी घेत नसेल दर्शन देवाचं

पण माणसांच्या गर्दीत हरवलेला देव शोधत असतो रोज

कधीचा इथे मी